وطنى ياشايل هموم فوق كتافك
وكل الى سمعك وكل الى شافك
مصدقش إنك فى يوم تنهزم

لأنك قناطر وأحلى المناظر
بنزهة فى نيلك وبرج وهرم

عدوك جبان ده لهو وخفى
فى ضلمة يبان فى نور يختفى
ولو يوم ها يظهر تسوى الهوايل ولاتكتفى

بيصرخ ويشجب ده قدام عنيك
يطبطب بأيد
وبالتانية حرض ولادك عليك

حبيب روعة هايل وهو الى شايل
فى أيده قنابل وهو الى عامل
سوسة بتنخر فى عقول شبابك

يخرب مدارس ويقفل مساجد
يهد الكنايس
وبيه أنت حاسس
هاتفضل لأمتى مغمض عنيك

ماكنتش زمان بخيل فى المشاعر
بتكرم جيرانك وبالهم شاعر

و دلوقنى شايفك مدارى كسوفك
ومحتار بخوفك لتخسر إعانة
بلاش المهانة وبلاها الإعانة
ها قولها بأمانة
دى طلعت إعانة لعدوك عليك

رجالك راعيهم ده مهما تجافيهم فى ليلك شموعك
أفتح عرينك أطلق أسودك
فيهم جسورك منهم سدودك
فى حربك دروعك سلاحك قلوعك
وفى السلم فيهم جزورك فروعك

ورايح تطبع وراجع تبادر
سلامك بأيدك
فى أيده خناجر
ده خاين وغادر

صوتك كتم وكسر القلم
حالف يفوتك يا وطنى فى ندم
هاتفضل لإمتى فى حالة عدم
لأ إصحى ده حاطط عنيه على العلم